拒絕做職場伸手黨!
5大問問題技巧

係職場,成日都有人問大家有無問題,究竟要如何表達自己嘅問題先唔會造成別人嘅困擾呢?

1. 問問題嘅對象

問唔同嘅對象,要用嘅語氣、方式、態度都唔同,有時候加返啲修飾、留意吓自己嘅預期都好重要㗎~

2. 單純尋求答案

唔識要出聲的確無錯,但如果凡事都唔自己嘗試尋求答案,或者有啲問題係明明自己google 就可以搵到答案嘅,就唔好問人啦。
真係唔肯定嘅,或者搵唔到嘅,都記得表達自己已經嘗試咗,搵唔到先詢問

3. 問問題的時機

喺適當嘅時候問適當嘅問題,唔好諗到咩就問咩
例如:係一個講緊project A 嘅會,唔好突然插入問project B 嘅問題,怕唔記得嘅,就記低佢,完咗一part先再問啦

4. 負面嘅提問

留意自己問問題嘅時候,會唔會其實已經帶住立場或者個人情感。畀人感覺你只係想尋求認同、甚至係覺得被迫認同你嘅觀點
e.g. 你唔覺得某某project 嘅某部分可以做好d咩?

5. 無重點嘅提問

係問問題之前,嘗試組織一下,唔好諗好咩就問咩。過長/ 過於空泛的問題,會令人困惑,甚至唔知你問緊咩。 嘗試係問問題時加入關鍵字:When、How、Where、What、Why、Who 等等


總結:
不論問問題定答問題,都係職場溝通好重要嘅一環,畀人覺得係醒目仔女定係會唔小心得罪人,呢一個都幾關鍵㗎,不妨留意吓自己平時點樣問問題啦!